اخوي

قلبي قلب مولود مايعرِف يغِلّ
انا قلبي قلب مولود مايعرِف يغِلّ
مايعرِف كبرة النَفس
لكنّه عزيز النفس ومالغير الله في يومٍ راسه يذل
تلومني الوادِم وشمالَه قلبك قسّى...
وشمالَه لأرحامَك عصيّ عن ودّهم عزمّه يكِلّ
وانت ال تقول
لأجل الله يحب الناس ولأجله يسامح وماااااااا يمِلّ

ويعتصر قلبي حِزن جيّاش
يعصِر رويحتي ذاك الصًفَق اللاش بل اللاش
حادَ الغَضَب دربَه حادَه الدَرُب لبعيييييييد وماااااااااا عاده يِدِلّ
قِضب روجَه وحجايات الواشين بأذونه تِعِــِلّ
وركب عِندَه .. وسفة ياخوي
وسفة ياخيّ الوصَل دابِر الفرقّة
وصَل دابِر الفرقّة وجِدل ظفاير كرهٍ ايشِلّ
شرى بغالي ظُلمّةٍ تِهدِم
وباع برخيصٍ سَرِجْ يِخـدِم
وآنه خوّيتك مو صديج الغفلة لو صاحبٍ او خِلّ
آنّه ال رُبيت على كَف ايديني
آنه الطِحِت ونِذِر شوفَك صار ديني
آنه ال لمّت همومك وذيج السما بغيبتك تسمع ونيني
آنَه خوّيتك.. ياعتب بابي
شدعوّة ياخي جِدَم خطوّك
ال بابي ماعاد يِدِلّ
وسفة ياخيّ الباع برخُص
يجيرنا الرحمن من يوم النِدامة
تراه النِدِم لو طَرْى ايسِلّ
عطشان ياخيّ الماعَرف
بجلمةٍ لأجل شيب العمر ... يجزل
جلمة تروي ريقِ الجفا
تروي ريق الجفا وتبِل !